కంఠము విప్పవే కవి కోకిల, తుంటరి తనము - తగునా యిలా? ||కంఠము|| 1. ఒంటరి తనమనే వగ వదలవే, వెంట నీకున్నాడు వేంకటనాధుడే, కంటకపు భ్రమలతో కలతలు చెందక, మంట కలిపి మధన మురిపముగ పాడవే ||కంఠము|| 2. ఎండ, వానలు రెండు ఉండునీ వనమున దండగ మారి దిగులేలనే, కొండల రాయుడే కోరి శ్రోతగ ఉండ గుండెలో నీకిక గుబులేలనే? ||కంఠము|| 3. జడి వాన కురసిన, వడ గాలి వీచిన, పిడుగులు పడిన, తడబడక సాగవే గుడిలోని దేముడు గుండెలో నుండగ, వాడి అండన నిలచి వడి పాడవే. ||కంఠము|| 4. ఏడు కొండలవాడే ఎదుట నీ కుండగ మోడు వార్చెడి కలత మది నేలనే వేడి వేంకటపతిని, ఒద్దికగ తలపోసి తడ బడక తియ్యగ యిక పాడవే. ||కంఠము|| చాకలకొండ రమాకాంతరావు శనివారం, November 3, 2007 |
#maa telugu talliki mallepU daMDaa# |