పల్లవి. అన్ని జీవులలోన ఆత్మ ఒక్కటే కనుగొన్న కష్టములు, సుఖము లొక్కటే! ||మేని|| అనుపల్లవి. మేని బేధములున్న మూల మొక్కటే, యిన్ని చేసెడి వానికి అందరొక్కటే! ||మేని|| 1. పశువులైన, పక్షులైన ప్రాణ మొక్కటే, ఆశలు, ఆరాటములు అంత టొక్కటే, దశ దిశల దేహులలో జీవ మొక్కటే పోషించే పరమాత్మ ప్రేమ ఒక్కటే! ||మేని|| 2. అందరిలో ఆకలి, దాహ మొక్కటే, అ నందము, అలమటింపు, ఆర్తి ఒక్కటే, డెందములో ఆప్యాయత పొంగు ఒక్కటే కుందుటలో కారు కన్నీరు ఒక్కటే! ||మేని|| 3. పేద నైన, ప్రభువు నైన, ఖేద మొక్కటే వేదనల, వంతల బాధ ఒక్కటే, సుధలాగ వ్యాధులు తొలగించే వైద్యము, వేద పురుషుడు వేంకని నామ మొక్కటే! ||మేని|| రమాకాంతరావు చాకలకొండ February 10, 2008 |
#maa telugu talliki mallepU daMDaa# |